一君士多 (已結業)

近排好多人討論既一君士多開分店，係咁短時間內就開多間真係令人好意外！今日襯睇戲前有小小空檔時間所以就去試吓好唔好食啦！裝修簡單得黎又不失格調 環境都幾乾淨餐牌霸王麵 ( 鮑魚，廣島蠔，花茹，花膠，蝦) 米線鮑魚雖然唔係好大隻，不過勝在夠甜 唔係普通貨色！仲要有兩隻花膠都多到離曬譜廣島蠔鮮味到不得了 唔會話好腥湯底就比較食開拉麵豬骨底淡小小，個人覺得雖然唔似車仔麵底 但係好食既！四餸車仔麵今次點了四餸車仔麵，包括滷水豬大腸，陳皮魚蛋，香煎紅腸和瑞士雞翼！個人最愛的是滷大腸，果然係招牌之一，滷得十分入味，必點喔！另外，陳皮魚蛋也很推介，真係每一粒魚蛋都品嚐到陳皮味，由內到外都夠曬細緻！湯底方面就是豬骨湯配薯粉！紅薯粉通透而又彈牙，車仔麵新嘗試！一君炸蛋炸鵪鶉蛋細細地一口咬落去，蛋味出哂黎南乳豬手大大件 入口即溶 唔錯唔錯菠蘿冰飲品方面點了杯招牌菠蘿冰，炎炎夏日夠曬消暑，酸酸甜甜，十分開胃！入面仲有粒粒菠蘿果肉，有咬口又juicy！