佐賀山田 (已結業)

喺青衣不嬲都好難搵嘢食，成日都要落返葵芳先多啲嘢食， 但係原來青衣城都有幾多鋪頭。 佐賀山田呢間就係其中一間。比較特別嘅係，餐廳除咗火鍋之外，仲有提供燒肉套餐，唔想食火鍋，可以食燒肉都幾正。😍而我今次，係選擇咗食火鍋嘅，我哋叫D啲餐， 分別叫咗麻辣湯底，同埋白雞湯底。麻辣湯底好香同幾辣，食落好開胃。 白雞湯底雞味好濃，啱啱上咗嘅時候飲咗一啖，幾滿足。🤤餐廳都有好多肉類同埋海鮮簡， 例如美國和牛，牛小排， 青口，帆立貝等等。 質素都算幾好， 海鮮好新鮮，上得好快。 而和牛入口即溶， 一嚿一嚿停唔到口🐮🐮另外，餐廳都有自助嘅蔬菜， 日式咖哩飯，同埋甜品等等，而且飲品吧，除咗普通嘅凍飲之外，仲有熱飲機，啱曬冬天嘅時候一路食一路飲。