海港薈

營業中

休息中

🍴深海龍躉兩味 $368 (7.5/10)翡翠炒球龍躉嫩滑有魚味，下面係清爽嘅西蘭花。清蒸頭腩龍躉嫩滑有魚味！🍴（半隻）脆皮乳豬 $248 (8/10)乳豬皮香脆，油脂豐富，肉質都好嫩滑，唔會有豬仔味。🍴西蘭花炒帶子珊瑚蚌 $168 (7/10)帶子都幾滑，珊瑚蚌爽口，西蘭花都係好清爽。🍴海港小炒皇 $128 (7/10)魷魚豬肉韭菜，炒得都幾香口，欣賞佢有魷魚鬚。🍴上湯焗蝦球伊麵 $168 (5/10)蝦球好爽口，伊麵好腍好掛汁。🍴豉椒炒莆田蟶子 $138 (7/10)鹹香夠味，蟶子大隻冇沙。🍴阿拉斯加長腳蟹（堂食）$1287 (8/10)叫咗清蒸，蟹肉鮮甜鹹香，有蟹味，冇異味真係值得一食！🍴招牌燒鵝皇（半隻）$238 (8/10)估唔到燒鵝都有驚喜，個皮好香脆，有鵝肉嘅香味。🍴成都水煮牛肉 $168 (8/10)牛肉有口感有牛味，都幾好食，辣到適中，下面有好多寬粉。🍴皇阿瑪鮑魚雞煲 $168 (3/10)雞煲份量比較少，雞肉鞋口，調味都係還好。推薦指數: 7.5/10整體嚟講都係好唔錯，小菜晚飯都好食，長輩親戚食飯啱曬。