影片
更多
2023-03-28
748 瀏覽
又經過青衣 係兩期青衣城入面糾結左好耐唔知食乜好 最後揀左連鎖店之一嘅亞參雞飯 就試下呢間以海南雞為賣點嘅馬拉菜😗🍱亞參去骨海南雞飯💰91呢個套餐配有一碗雞油飯同一碗清雞湯 仲有食海南雞basic必有嘅三隻醬 應該係姜蓉 甜辣醬同豉油醬 雞嘅份量都偏多 去骨之後厚度偏薄 但係都好滑嫩 雞肉本身已經醃得夠味 配上雞油飯就更滿足😋雞油飯水分剛好 而且雞味都幾重下🍛巴東牛肉飯💰78可惜呢度冇椰漿飯 所以我+左$5轉雞油飯 巴東牛肉 配菜小食同雞油飯各成三角互不干擾 巴東牛肉每舊都好大塊 沙嗲醬加埋花生煮完更惹味 撈飯特別香口😛而小食個邊就有炸魚乾 竟然係甜味 不過都係覺得鹹味好D 另外就係普通嘅番茄同青瓜丁 整體來講巴東牛肉味道出彩 值得嘗試👐🏻🍛馬來咖喱雞飯💰78咖喱雞同白飯分開上 所以就見到白飯圓碌碌咁一舊處於碟中間 好彩碟夠大可以撈飯 咖哩份量都多 雞肉索咖哩汁都唔錯！🍞斑斕咖央多士🍤鳳尾蝦春捲💰加配39係馬拉餐廳必食就有咖央多士 呢度嘅多士寫明係馬來西亞空運過來 睇樣果然又同一般見開嘅好唔同 顏色偏黑糖包色 形狀都係吐司型 有埋凸位 烘完底之後略嫌過脆過硬 如果保留小小吐司嘅軟度就好
又經過青衣 係兩期青衣城入面糾結左好耐唔知食乜好 最後揀左連鎖店之一嘅亞參雞飯 就試下呢間以海南雞為賣點嘅馬拉菜😗
🍱亞參去骨海南雞飯
💰91
呢個套餐配有一碗雞油飯同一碗清雞湯 仲有食海南雞basic必有嘅三隻醬 應該係姜蓉 甜辣醬同豉油醬 雞嘅份量都偏多 去骨之後厚度偏薄 但係都好滑嫩 雞肉本身已經醃得夠味 配上雞油飯就更滿足😋雞油飯水分剛好 而且雞味都幾重下
🍛巴東牛肉飯
💰78
可惜呢度冇椰漿飯 所以我+左$5轉雞油飯 巴東牛肉 配菜小食同雞油飯各成三角互不干擾 巴東牛肉每舊都好大塊 沙嗲醬加埋花生煮完更惹味 撈飯特別香口😛而小食個邊就有炸魚乾 竟然係甜味 不過都係覺得鹹味好D 另外就係普通嘅番茄同青瓜丁 整體來講巴東牛肉味道出彩 值得嘗試👐🏻
🍛馬來咖喱雞飯
💰78
咖喱雞同白飯分開上 所以就見到白飯圓碌碌咁一舊處於碟中間 好彩碟夠大可以撈飯 咖哩份量都多 雞肉索咖哩汁都唔錯！
🍞斑斕咖央多士
🍤鳳尾蝦春捲
💰加配39
係馬拉餐廳必食就有咖央多士 呢度嘅多士寫明係馬來西亞空運過來 睇樣果然又同一般見開嘅好唔同 顏色偏黑糖包色 形狀都係吐司型 有埋凸位 烘完底之後略嫌過脆過硬 如果保留小小吐司嘅軟度就好😩牛油好厚咁露左出來 下面仲薄薄地搽左一層斑斕同咖央醬 可能係因為多士本身嘅關係有D苦😓
鳳尾蝦春捲就好靚 顛覆左我對炸物嘅刻板印象-出面嘅炸皮外衣竟然係白色嘅 咬開一層脆絲就係炸蝦肉 可以點上泰式甜辣醬口感更豐富！
整體來講呢度菜品唔算特別多 特別來食嘅話都係食海南雞飯比較好 比較有特色D 多士我都係會選擇返蘇媽蘇媽🤣
📌 亞參雞飯 (青衣城) (青衣)
青衣青敬路33號青衣城1期2樓218A號舖
張貼
