茶語

營業中

休息中

大埔都好多好嘢食，今次專程去茶語嘆個下午茶先。入到去點咗迷你鹵水雞翼米線跟半隻鹵水蛋，飲品要咗巨峰提子汁。另1set 叫咗蜜糖花枝丸 ，飲品係黑糖珍珠。最後叫埋甜品經典蜂蜜莓果梳乎厘。 鹵水雞翼超入味，鹵水味滲曬入雞翼，每一啖雞肉都超好味，鹵水蛋亦都係入曬味，而且蛋味濃郁 ，配埋個米線食一流。因為個湯底好有台式風味而且唔太鹹，花枝丸就外脆內軟，點埋店舖蜜糖食又係一流，絕對係下午茶之選。另最想講係兩杯飲品，可能天氣熱關係，個巨峰提子汁超好飲超解渴，而黑糖珍珠就整得好靚，係影相之選，而且係台式製法d珍珠好qq。而最後個甜品就令我眼前一亮，因為梳乎厘好鬆軟，配埋cream同埋忌廉食冇得頂，加上d藍莓同埋車厘子都好sweet，帶出甜品嘅另一層次。