羅麥記 (奧海城2期) (已結業)

成日聽呢間，今次終於嚟咗食，佢俾我感覺就係高級啲乾淨啲靚啲嘅茶餐廳。今次lunch叫咗幾樣嘢食同朋友share，咁就可以食多幾款～乾炒牛河好食，好夠味，但油咗啲，牛肉片又腍又入味。星洲炒米炒得都夠鑊氣，調味剛好瑞士雞翼撈通粉瑞士汁好濃，雞翼都算滑，但撈通粉就有啲怪。如果係撈麵撈丁會開心啲，但原來轉撈丁要加$10，貴咗啲。仲跟埋個炒蛋多士，少蛋好滑，好食。椒鹽豬扒飯油咗啲，但幾好食嘅，整體都唔錯。呢到價錢尚可接受，都會再幫襯。