靚煲皇 (已結業)

一年四季都鍾意食火鍋, 唔同湯底一年四季都可以配搭. 黎個藥膳醉雞煲, 可以補一補血氣, 等身體血液循環D.雖然係藥膳, 但唔算好中藥味味道, 易入口夠清甜. 雞件肉質滑溜唔鞋口.極上肥牛都係唔少得, 肥牛脂肪分怖平均, 肉質入口軟嫩, 肉味濃郁.鯇魚片好新鮮, 似係即劏即上碟, 所以肉質特別嫩滑, 而且起好晒骨無腥味.牛柏頁淥一淥唔好過熟, 特別爽口彈牙.仲有雲吞韭菜餃, 每粒都包得好大粒, 皮夠薄, 夠足料.