影片
更多
2019-06-28
181 瀏覽
父親節正日香港正發生大件事，但一早訂了枱無理由甩底，早早出發來到尖沙咀的美麗華，天氣放晴室外環境好靚，作為婚禮場地確實不錯。室內好濶落，空間感十足，冷氣又夠，好舒服。是晚訂的是半自助餐，一份主菜，然後頭盤甜品等任食，好豐富㗎！第一樣先來份沙律開開胃，蔬菜好爽脆，refill又快不用爭，仲有厚身鮮味的煙三文魚，勁正喎！煙肉焗蠔好鮮味，滿滿的蠔汁呀～芝士扇貝都唔錯。水牛芝士蕃茄超正添啦，唔使諗，encore！點主食就有海鮮拼盤送，呢度係二人份量，賣相好吸引啊。有龍蝦，大蝦，螺，青口，長腳蟹等，全部都好鮮味。好多膏，正呀～石燒美國牛小排配香草燒汁（$488）到左主食時間，點左牛小排，份量意外地多呢。牛味超正，口感軟嫩，一食就知超靚級數，比不少專食牛扒的店質素仲要好，四百幾蚊就算無自助餐包埋都未必食到咁正，欲罷不能！石燒新西蘭羊架配香草燒汁（$468）另外仲點左羊架，又係正到脾，羊味鮮嫩無渣，有羊香味但不羶，加埋肉汁同薄荷醬無敵好味。附上的煙肉芝士白汁薯仔片都好好味㗎，薯仔片飛過水口感爽口，醬汁勁濃厚，加埋一齊超正，再飽都食晒，哈哈。先點個三成熟，再用附上的石頭自己燒一燒，高溫石燒嘛，熟度自己
室內好濶落，空間感十足，冷氣又夠，好舒服。
是晚訂的是半自助餐，一份主菜，然後頭盤甜品等任食，好豐富㗎！第一樣先來份沙律開開胃，蔬菜好爽脆，refill又快不用爭，仲有厚身鮮味的煙三文魚，勁正喎！
煙肉焗蠔好鮮味，滿滿的蠔汁呀～
芝士扇貝都唔錯。
水牛芝士蕃茄超正添啦，唔使諗，encore！
點主食就有海鮮拼盤送，呢度係二人份量，賣相好吸引啊。
有龍蝦，大蝦，螺，青口，長腳蟹等，全部都好鮮味。
好多膏，正呀～
石燒美國牛小排配香草燒汁（$488）到左主食時間，點左牛小排，份量意外地多呢。
牛味超正，口感軟嫩，一食就知超靚級數，比不少專食牛扒的店質素仲要好，四百幾蚊就算無自助餐包埋都未必食到咁正，欲罷不能！
石燒新西蘭羊架配香草燒汁（$468）另外仲點左羊架，又係正到脾，羊味鮮嫩無渣，有羊香味但不羶，加埋肉汁同薄荷醬無敵好味。
附上的煙肉芝士白汁薯仔片都好好味㗎，薯仔片飛過水口感爽口，醬汁勁濃厚，加埋一齊超正，再飽都食晒，哈哈。
先點個三成熟，再用附上的石頭自己燒一燒，高溫石燒嘛，熟度自己控制，牛小排個人覺得五成可以了，太熟就浪費了如此靚牛。
羊架用上牛油再燒一燒，香噴噴啊。
食完咁多肉又有啲意猶未盡，encore一下中湯先，是日係淮山杞子螺頭煲雞湯，味道極濃啊！
啖啖都係精華，又係encore之選。
跟住又點少得甜品，各款蛋糕仔都不錯，其中咖啡凍餅最有驚喜，少少苦澀加上甜甜的芝士軟心，超夾！焦糖燉蛋都好正，蛋味極濃又軟滑！
仲有水果，新鮮菠蘿有點酸，哈哈，無浸糖水的原味啊。
仲有餐飲，要杯熱檸茶去去膩先。
離開時發現原來門口有糖夾，小朋友最開心啦。
滿滿的戰利品，小朋友全程車都攬住唔放，如獲至寶，呵呵。大人細路都滿足的一餐，環境靚，食物好食，夫復何求呢。
張貼
