McSorley's Brewhouse & Grill (已結業)

餐廳有兩層，GF係BAR，好多外國人拿住杯酒， 暢飲閒聊，十分熱鬧。1F環境浪漫，燈光柔和，適合鐘意靜靜地fine dinner 嘅人。由窗望出去，個View仲好靚。見佢做緊promotion,所有肉類買一送一，好抵食。12oz Ribeye叫咗medium well，周圍大約係熟到粉紅色，已經完美咁鎖住肉汁。配上大刀，落手唔難切。 牛扒上有黑松露，可以依個人喜好添加， 別有一番風味，而且 食落唔乾，肉質嫩滑，幾JUICY。 薯蓉香滑，有薯味，誠意之作。BBQ RibsRibs最怕就係難切，而呢到就冇呢個問題，可見材質嘅質素。成碟好大份，依附住Ribs嘅肉比想像多，唔似其他餐廳只係吮骨lol。薯條粗身，食落香脆。Grab Cakes外皮脆卜卜，內裏淡淡蟹肉，鮮味十足，真材實料。飲品都好special, 幾好飲。Flavored Iced TeaMilkshake of the day最後想讚下D Waiter, 真係好好禮貌同service。