影片
更多
2021-04-08
1381 瀏覽
呢間位於海港城嘅Harbourside Grill開業唔係好耐，朋友同我講佢地個lunch set好抵食，一於就去試下😋餐廳裝修係簡約嘅西式風格，成個維港係落地大玻璃下一覽無遺，日照時間唔洗開燈採光已經足夠，淨係呢個view已經值回票價😍我地book枱嘅時候特登request左窗口位，咁就可以望住維港嘆我地個lunch喇。餐廳嘅weekday lunch set可以揀2-4 courses. 當日我地就揀左3 courses ($248 per person), 包左前菜，main course同甜品，已經非常夠飽。油封雞肉凍配紅洋蔥醬及酸種麵包第一道前菜。呢款經過油封處理嘅雞肉凍食落口感非常獨特，硬要形容嘅話就好似食緊罐頭吞拿魚咁，將佢同焦糖化左嘅紅洋蔥醬一齊抹係烘到脆卟卟嘅酸種麵包上面食，味道都幾有新鮮感😋醬油汁黃鰭吞拿魚片配蘿蔔及柚子花生沙律第二款前菜。幾片鮮紅嘅吞拿魚生片鋪左係蘿白及青椒絲上面，紅綠色型成鮮明嘅對比，係品嚐前率先抓住品嚐者嘅視覺。在味覺上同樣刺激，經過醃製嘅吞拿魚其實已經食唔出本身嘅鮮味，反而有種酸酸嘅味道，配合埋下方嘅蘿蔔青椒絲沙律一齊食，味道酸酸辣辣咁，的確
餐廳裝修係簡約嘅西式風格，成個維港係落地大玻璃下一覽無遺，日照時間唔洗開燈採光已經足夠，淨係呢個view已經值回票價😍我地book枱嘅時候特登request左窗口位，咁就可以望住維港嘆我地個lunch喇。
餐廳嘅weekday lunch set可以揀2-4 courses. 當日我地就揀左3 courses ($248 per person), 包左前菜，main course同甜品，已經非常夠飽。
油封雞肉凍配紅洋蔥醬及酸種麵包
第一道前菜。呢款經過油封處理嘅雞肉凍食落口感非常獨特，硬要形容嘅話就好似食緊罐頭吞拿魚咁，將佢同焦糖化左嘅紅洋蔥醬一齊抹係烘到脆卟卟嘅酸種麵包上面食，味道都幾有新鮮感😋
醬油汁黃鰭吞拿魚片配蘿蔔及柚子花生沙律
第二款前菜。幾片鮮紅嘅吞拿魚生片鋪左係蘿白及青椒絲上面，紅綠色型成鮮明嘅對比，係品嚐前率先抓住品嚐者嘅視覺。在味覺上同樣刺激，經過醃製嘅吞拿魚其實已經食唔出本身嘅鮮味，反而有種酸酸嘅味道，配合埋下方嘅蘿蔔青椒絲沙律一齊食，味道酸酸辣辣咁，的確開胃。
烤豬腩肉配紅蘿白,菊苣及芥末醬
第一道主菜。豬腩肉外層烤至金黃色，望住層層相隔嘅肥膏同瘦肉已經可以想像到佢細滑嘅口感， 切一塊放入口，口感果然不出我所料地細膩嫩滑😋首先佔據口腔嘅係腩肉外層嘅焦香，隨後肥肉嘅油香亦係舌尖上起舞。第二啖我沾上左芥末醬食，廚師將芥末醬打至起泡，食落比一般芥末醬更為creamy, 令豬腩肉嘅味道就更為突出。菊苣望落有少少似白菜仔，食落味道甘苦，同苦瓜有異曲同工之妙；微苦嘅味道中和左豬腩肉嘅油膩感，成道菜配搭得非常好🤤
美國頂級西冷牛扒300g, 配乾蔥蓉及香辣牛油（＋$158）
牛扒係呢度嘅signature 之一，當然要叫黎試下😋我地熟度揀左medium, 牛扒剛上枱，撲鼻而來嘅香氣已經令人流晒口水，已經食到5分飽嘅我又即時胃口大開😍煎牛扒看似簡單，但要將生熟度控制得恰到好處其實非常考驗廚師嘅功力。呢塊牛扒嘅生熟度就控制得岩岩好——外層微焦，切開肉質嫩紅，正正係我想要嘅medium🤤平時食西冷我好怕牛肉會太靭，但呢塊西冷完全唔會，食落非常juicy牛味十足，非常高質👍
甜品我地就揀左朱古力慕絲蛋糕同檸檬奶酪，味道唔係話超級突出所以就唔多形容，但整體黎講都相當唔錯❤️值得一提嘅係我地當日係去慶祝生日嘅，餐廳好貼心咁為我地準備左一細塊蛋糕仔，呢份心意相當加分，成餐飯絕對係好好嘅用餐體驗😋
張貼
