醉胡爐 (已搬遷) 新店位置

我都好耐冇打邊爐了，知道尖沙咀有間新派火鍋店「醉胡爐」。咁就約埋朋友去試下，店內環境都唔錯，兩邊都有多間獨立箱房，當日我們就被安排坐箱房，私隱度極高，我同朋友都食得舒適自在。這裡是選用QR Code 落單，落單好方便。✨泰式無骨鳳爪 $78先吃個小食泰式無骨鳳爪，酸酸辣辣好開胃，味道都唔錯。✨胡爐醉八鮮鍋(期間限定) $398八鮮鍋係用咗八種靚海鮮；有青龍蝦、鮑魚、魚翅、花膠、青口、卜卜蜆、花螺、花枝😍店員會先叫大家準備定手機，先將鍋裡嘅海鮮快炒幾下，加入少許酒再點火，造成火焰嘅效果，再炒幾下待酒精揮發之後再加入龍蝦湯。等龍蝦湯滾之後，就可以先喝一大碗湯，龍蝦湯味道鮮甜濃郁非常美味。然後開始吃鍋裡嘅海鮮，海鮮好足料，有一種食極都唔完嘅感覺😂😂✨極上本地騸牯牛頸脊(中) $388騸牯牛頸脊口感嫩滑，肉味比較香濃。紫菜炸響鈴 $88響鈴係自家製新鮮炸起特別香脆，加入了紫菜食起來會更香口惹味。✨醉胡爐五寶丸 $108有牛肉丸，蝦丸、豬肉丸，黑松露墨魚丸、墨魚丸。特別推介這裡的蝦丸和墨魚丸，粒粒爽口彈牙，必點。✨蔬菜拼盤 (小) $63打邊爐當然要吃點菜，有娃娃菜、油麥菜、生菜、菜芯、白菜仔。