廉記冰室 (春園街) (已結業)

今日同朋友搵地方食下午茶，諗住搵個坐得舒服D嘅地方，經過廉記，比佢嘅落地玻璃同tiffany blue 窗框吸引住，就去試試啦！朋友食星州炒米，我見麵包櫃嘅菠蘿包好吸引，就叫咗菠蘿油，果然菠蘿油係好好食嘅，外皮好脆，麵包鬆軟，加埋塊牛油真係無得輸！朋友對星州炒米要求好高，但佢對廉記呢個星州炒米都表示滿意，首先係米粉炒得夠乾身，咖哩香味控制得啱啱好，至於配料方面份量都比足，以一般茶記嚟講水準算係中上。可能係餐廳太好生意，其實由落單到我地食完嘢侍應嚟收碟，成個感覺都係好趕咁，如果想嘆悠閒下午茶，廉記未必係一個好選擇。