Cafe Prince Royal (已結業)

星期六又係去cafe嘅時候🤣 今次午餐去咗太子嘅 Cafe Prince Royal! Cafe好熱鬧， 有一家大細都喺到用餐！ Lunch set 包熱飲品， 唔洗加一好抵喎！Classic All Day Breakfast 沙律好新鮮， 番茄juicy多汁， 太陽蛋有兩隻，有細細舊waffle好鬆脆， 2條雞尾腸有驚喜甜甜地幾惹味🥰 蘑菇已經切粒好細心！明太子忌廉三文魚意粉意粉煙煙韌韌， 三文魚啖啖肉冇刺， 不會太多醬汁，食落好香口！Mixed berries waffle 雜莓窩夫賣相吸引有各種嘅水果， 有藍莓同士多啤梨，而且有忌廉及士多啤梨雪糕！ 不會太甜，窩夫熱辣辣又好香脆， 份量頗大， 兩個人食好滿足！Charcoal latte 唔會好甜，拉花靚，非常順滑！Earl grey tea 伯爵茶係用茶壺裝住, 可以Refill！ Cafe行簡約路線，係年輕人打卡嘅好地方！