磯の水產

營業中

休息中

餐廳風格好日系，好用心嘅佈置，好啱打卡，放工未飲番杯，食吓串燒都好正😊時令六點刺身有三文魚，墨魚，油甘魚，吞拿魚同埋帶子，刺身有光澤，食得出新鮮，而且件件都厚切。個帶子真係好正，好鮮甜，墨魚有少少火炙效果，食落更有口感帶火炙香。清酒煮蜆啲蜆肉隻隻都好大，而且肉質飽滿，清酒煮完冇晒酒味，個湯就有滿滿既蜆肉鮮甜同海水味。黎居酒屋一定要食串燒，我哋叫店員推介嘅串燒。雞心串鹽燒牛肋條串一口牛粒串豚腩肉串四款串燒都十分不錯，都燒得好香，個樣都燒得好靚仔。當中一口牛粒串，真的必食，肉質好軟滑。豚腩肉串，都好jucy，一口肉一口大蔥，腩肉既口感jucy，單食會少少油膩，但配上大蔥中和返，好正既配搭。牛肉烏冬牛肉唔會嚡口，烏冬好軟滑，份量又多，加埋糖心蛋，湯底清不淡，好鮮。