agnès b. DÉLICES (已結業)

7/2/2009 (星期六)今年生日，收到一盒好精緻的朱古力做生日禮物。只係睇包裝已經好開心，打開盒見到咁多唔同款式的朱古力，真係唔知點形容，唯有同佢影張靚相留住呢個咁美好的時刻。Agnes b 呢個時裝品牌的朱古力除咗包裝靚之外，賣相亦唔錯，每粒朱古力上面畫上唔同的圖案代表唔同的味道，較特別的味道有玫瑰味、荔枝味、芒果味、薰衣草味、薄荷味、咖啡味.....雖然味道唔及朱古力名店所出品的朱古力，但勝在包裝靚，賣相亦唔錯，係送禮的首選。