百樂門宴會廳 (已易手) 新餐廳

阿B 同老公過開嚟長沙灣話同我食晏，問我想食乜，我話不如飲茶,好耐無飲.就同左佢去百樂門，去到都要等位，大約二十分鐘度。水晶吊燈令茶樓格局高檔左咁。都有幾多野選咁，落左單後，啲嘢食都幾快到嫁啦,唔洗等成二三十分鐘。小籠包，茶樓貨色來講皮算薄, 內裏的湯夠熱同鮮味，肉質鬆。牛肉腸的腸粉皮少有地彈牙，牛肉就唔多。燒賣蝦夠大隻， 個內裏既肉唔夠爽口，有啲實肉。牛栢葉味道剛剛好，唔太咸，又有啲啲雜菜味，幾香。。。雖然係油啲。可能我地坐響尾枱同樓底高，都幾好，唔太逼之餘又唔會好嘈，傾計唔洗大大聲，浪費氣力咁。