La Famille (已搬遷) 新店位置

去海港城行街，經過一間賣蛋糕既專櫃，見到入面放左一個個好靚既蛋糕，有好多唔同口味，而且賣相好精緻，五顏六色，好吸引啊！有咁多款口味，真係想試哂佢啊，有選擇困難症既我揀左好耐終於決定左三款口味，包括係宇治抹茶椰香、玫瑰紅桑莓荔枝同埋香濃開心果。買返屋企同屋企人分享，咁就可以一次過試哂三個味道蛋糕細細件，食完唔怕好肥！我最鐘意宇治抹茶味，佢有好濃郁既抹茶味。蛋糕方面，每一件蛋糕都好鬆軟，配合埋入面既cream ，好好味啊！