角落咖啡廳 (已易手) 新餐廳

呢一間位於蘭桂坊的Coffee Shop真係有驚喜﹗驚喜一︰有扒据諗住Coffee Shop食晚餐都係食吓沙律麵包三文治頂多都係有D意粉同Risotto，加隻大啡菇比你已經係巴巴閉閉，呢間野竟然有牛扒，質素仲要一D都唔失禮，至於個價錢，我就覺得在蘭桂坊而言算幾抵食。驚喜二︰有德國麥啤飲Coffee Shop就梗係飲Coffee啦，但係呢間Coffee Shop竟然有啤酒飲，仲要係來自德國的麥啤，成個人都爽晒啦。呢隻麥啤唔苦，麥味幾香幾好飲。驚喜三︰可以叫樓下的新加坡食物上黎食由於係同一個老闆，所以一樓的新加坡餐廳同二樓的Coffee Shop都可以一齊落單，而且餐廳入面裝了食物專用的升降機，所以D野食上上落落真係好方便，可以話係一次過滿足晒兩個願望。