The Point (已結業)

第一食呢間嘢，見成個購物中心新開張就試下佢。入去坐嗰陣都仲叫做早，行過企係店鋪門前睇菜譜。知客都好似唔係好自在我哋會入去咁佢就冇咩點理我哋了當我哋真係搭一隻腳入去店舖嘅時候 個知客先至知道自己要帶位。位同位之間有啲迫。見佢個菜譜都幾得意嘅菜式叫做有啲新意啦叫咗一個火箭菜啤梨沙律一個火腿拼盤，同埋一個牛舌薄餅。火腿拼盤同牛舌薄餅唔錯啦幾好。不過我想講講佢 薄餅 個批底有別於某啲大牌子嘅薄餅佢個批底係比較酥脆嘅其他大牌子多素都係薄脆(薄片果隻)不過今次佢個批餡啲菇就畀佢焗燶咗上菜時好。比較有趣嘅係佢個火箭菜啤梨沙律黑醋加黑松露菌醬的沙律汁，微甜的啤梨，仲有炒過下的合桃，配合埋一齊出嚟嘅甜酸甘苦澀都幾有趣。整體來説食物叫做幾有趣同味道唔錯啦，服務就個别員工黎講有待改善啦。都值得再試埋其他菜式。