山東小城 (西洋菜南街)

營業中

休息中

喺旺角唔係好知想食乜，已經1:30。上IG search見到有依間有黑色水餃嘅舖頭，於是乎就行去試吓。去到係唔使排隊，店員好好安排咗個卡位俾我，雖然我得一個人去。本身係想入去食佢哋招牌嘅爆汁餡餅，仲有黑色嘅墨魚餃。但係如果散嗌嘅話依兩樣嘢加埋最平需要70幾蚊。所以最後都係揀咗lunch set。放棄咗餡餅，打算下次再同朋友嚟食。lunch set就係一個擔擔麵，配墨魚汁水餃。擔擔麵份量好多，但係啲花生醬比較偏甜。食咗一陣就比較滯啦。墨魚汁水餃外皮比平時食嘅餃子偏厚少少，入面嘅餡係墨魚滑，成個配搭都幾得意。set入面仲送咗一杯豆漿，成個set就係一個飽肚之選。