冬蔭NOODLE (已結業)

平日出尖咀食個泰菜都貴貴地。今日食呢間價錢都算ok，兩個人叫左三樣野食。包括有：冬蔭功湯海鮮金邊粉、牛肉碎生菜包、炸蝦餅。第一樣黎嘅係炸蝦餅，menu上話係師傅自己手打。熱辣辣，咬落去幾香口，有少少彈牙,而且份量雖然係一塊分兩塊，但食落好似好多塊咁😂第二樣就係個牛肉碎生菜包，牛肉碎份量唔算多，不過好夠味兼少少辣辣地，加埋食落脆卜卜的生菜感覺又幾fresh。最後一樣主菜，冬蔭功湯海鮮金邊粉，賣相就唔錯啦，海鮮有大蝦，青口，鮮鱿，魚蛋......等等。不過有啲失望係個冬蔭功湯，椰奶味太重，唔係好辣，海鮮配料可以再特別啲就更好。整體上，以價錢黎講可以一試，或者叫個外賣試一試佢。