極品靚鍋 (已結業)

聽朋友講荃灣新開咗一間任食火鍋，而且環境靚裝又坐得舒適，仲要有美顏湯底，三個女仔就最啱~食火鍋，牛當然係主角，呢度有好多款式，當中比較罕見既係短角牛。環境非常寬敞，員工送餐都可以用車仔，食客同員工都安全D~每款牛都有標示並且好貼心咁提供最佳烹調時間~我會HIGHLIGHT封門柳，佢係成隻牛，肉味最濃的一部分，全隻牛只有一條，脂肪不多但肉味濃，入口滑溜香甜。另外，有供應自家製既出品，當中最欣賞係自家製松露豬肉餃及松露手打牛肉滑，無錯！我係松露控！而且「自家製」喺出面食唔到，感覺特別吸引~松露手打牛肉滑~唔似坊間一般地SELL彈牙，口感係一咬即化，融合咗松露及牛味，認真享受~自家製松露豬肉餃~松露與豬肉比例恰到好處，誰也沒搶誰的光芒，餃子皮有淥耐咗亦唔會影響口感~仲有少量涼拌出品，拍青瓜帶酸辣，既開胃又可以清一清口腔，涼涼既溫度，的確好舒服~最後，當然要食甜品，雪糕係有好多口味，我地揀咗當中比較特別既伯爵茶同海鹽口味，分數都幾高~YUMMY!