有蒸氣 海鮮石鍋專門店 (已結業)

第1次食蒸海鮮， 與我想像中的不一樣， 原來不用自己動手，有專人服待， 咁就唔怕over cook， 蒸老海鮮啦～今次食入門版 － 有蒸氣石鍋海鮮餐 $328一位（2位起），套餐都好豐富， 有沙包蜆、竹串海中蝦、大連鮑魚、日本元貝、清蒸美國桶蠔、薑葱蒸鮮魷、手剁豬肉丸、墨魚丸及金銀蒜蒸勝瓜。海鮮款式多，大隻而且鮮味十足，手剁肉夠彈牙， 有口感。蒸勝瓜清清地， 去油解膩。最後食返兩碗鮮味南瓜雞肉粥，粥係由蒸蜆時煲的， 吸收哂所有精華， 所以粥底好鮮甜。