茶餐廳2.0 (已結業)

又係醫肚嘅時候，今晚決定出街食，位於大埔中心的茶餐廳2.0之前喺出面食過佢嘅分店都唔錯，就去大埔分店試吓。餐廳落地玻璃可以直接望到出面，仲有卡位四人枱等座位選擇，環境空間好大、感覺舒適。餐牌厚厚的，入面嘅食物圖片非常吸引，而且多款選擇。最後我哋揀咗西式晚餐，加拿大西冷牛扒及香草燒羊扒套餐，餐湯仲有中西式選擇，我們各叫了一款。平時屋企少湯水，呢度嘅紅蘿蔔湯都幾鮮甜，仲有大大嚿紅蘿蔔。我朋友係牛魔王，西冷牛扒都幾大塊，叫了七成熟，牛肉都幾軟口，而且味道濃郁，配白飯黑椒汁一齊食更加滋味。我的就是香草燒羊扒，羊排一份有三條，食落去一啲都唔騷，肉質仲頗為鮮嫩，今次我就點了意粉 🍝。仲有得飲黑糖珍珠鮮奶，可以比我咬下啲Q彈珍珠，而且鮮奶香醇，朋友也叫了一杯熱的。最後美味的牛乳蛋糕甜品為呢一餐豐盛的晚餐畫上句號，整體來說食物質素不錯，值得再試。