福川鐵板燒日本料理 (已結業)

今日女友人帶左我黎灣仔話有間好底調但又好高格調既日本餐廳朋友介紹話好好食，咁我地就黎左見識啦。 話說佢個餐係廚師發板， 即日本讀音的傲媽家姐"Omakase", 全部野都係由當值廚師決定比d咩我地食。 我想講我唔太清楚佢每一味餸係叫咩名，因為真係好稀有，聽都未聽過的說，但重點就係好新鮮同特別。其中佢有一味豚角煮日本東玻肉，呢個不得了！ 入口即溶同味道剛好，衰d咁講豬肉黎架炸，都煮到咁味道，邊度揾啊。佢既刺身有油甘魚配芥末醬同平目魚薄切，左口魚邊 金目魚同深海池魚王， 佢既刺身都係d比較少食到既稀有品種， 好fresh好爽口，佢個開膽飯又係好正， 成舊上等既海膽撈落細細舊飯度食，真係不得了。 整體而言餐飯係真係好特別，自己又唔洗諗總之放地面前既一定夠飽同非一般的食材。