影片
更多
2019-12-04
355 瀏覽
參考openrice工廈餐廳食評，被Ulyssa by Aldou不少好的食評和食物照片吸引，但換來是一餐不愉快的晚餐。當日預訂8:30pm 入座，立即就order Set Dinner B 包括海鮮拼盤，湯，2 主菜。好快菜就送上，但係無分頭盤主菜，一口氣4樣食物一同送上，於是我同朋友就先飲湯，食海鮮拼盤，然後意粉，最後到牛扒。一路都覺得食物唔差，如果係頭盤主菜相隔一段時間會更好，因為食完頭盤，主菜都凍左。點知食到牛扒就出事，我地order 係5成熟 medium，但切出黎感覺太生，我同朋友都接受唔到。唯有叫staff (男)黎同佢講番其實我地係order medium，有無咩辦法可以整熟多小小，個staff 望完都話塊扒係medium rare，之後佢拎去問下同我地落order 既staff (女)。點知幫我地落order既staff 知道之後，竟然好大聲講左一句 「 下！又唔早講 以家先出聲話生 」我同朋友即刻呆左，仲好懷疑係唔係自己聽錯，但望到個女staff 係望住我地，就好肯定係話我地，同真心覺得唔好受同嬲。後來男staff 過黎同我地解釋因為廚房師傅收左工，無廚房師傅係到，
好快菜就送上，但係無分頭盤主菜，一口氣4樣食物一同送上，於是我同朋友就先飲湯，食海鮮拼盤，然後意粉，最後到牛扒。一路都覺得食物唔差，如果係頭盤主菜相隔一段時間會更好，因為食完頭盤，主菜都凍左。
點知食到牛扒就出事，我地order 係5成熟 medium，但切出黎感覺太生，我同朋友都接受唔到。唯有叫staff (男)黎同佢講番其實我地係order medium，有無咩辦法可以整熟多小小，個staff 望完都話塊扒係medium rare，之後佢拎去問下同我地落order 既staff (女)。
點知幫我地落order既staff 知道之後，竟然好大聲講左一句 「 下！又唔早講 以家先出聲話生 」
我同朋友即刻呆左，仲好懷疑係唔係自己聽錯，但望到個女staff 係望住我地，就好肯定係話我地，同真心覺得唔好受同嬲。
後來男staff 過黎同我地解釋因為廚房師傅收左工，無廚房師傅係到，佢地唔敢整番比我地，睇我地想唔要定係照食。
基於真係太生，我同朋友就決定唔要個牛扒就算，同時間我亦都向男staff投訴，我問佢「你同事岩岩係咪話我地唔早講，以家先出聲？仲要甘大聲講，如果你要背後講我唔理，因為我聽唔到，但係甘大聲係比説話我聽喎，我係客人，所有菜一次過上，我都需要時間食，點解會甘樣講呢？」
之後男staff話「係既，佢甘講真係唔岩，我都即時有話番佢，就算背後我地都唔應該講，係因為我地錯先，唔好意思，我會同番位同事講要注意番。」
後來男staff 幫我地張單做左8折同送左一件cheese cake比我地解決事情。
食物本身唔差，環境舒適，牛扒太生，尚可以話有下一次機會再試，但服務態度差，導致所有野都扣哂分，就算食物有幾好食，我都唔會再去，亦都要叫朋友有選擇下唔好去，免得一餐好好的晚飯掃興，又受氣。
張貼