影片
更多
2022-06-04
536 瀏覽
黃大仙本身都已經唔係好熟路，竹園邨更加係去都未去過。今日因為工作關係黎到呢個歷史悠久的屋邨，完成之後同同事打算搵間茶記醫下肚，舊式屋邨諗住茶記都比較舊式，但見到呢間茶餐廳門面光鮮，內裡裝修新淨就決定入去試一試佢。睇一睇餐牌有好多選擇，有點心、炒粉麵飯、小菜，仲有特別推介嘅水煮魚、酸菜魚、雞煲。 =招牌雞煲配生菜+油炸鬼 $198=我哋二話不說就叫咗個招牌雞煲。店員好快就將雞煲送上來。你係完全唔會諗到屋邨茶餐廳竟然如此細心，餐廳只係將雞煮到七成熟，店員提示我哋每2分鐘煮一煮佢。由第4分鐘開始聞到好香嘅雞煲味，再煮多數次，再加入餐廳送上的油炸鬼，食得！整個雞煲好足料，落咗超級多配料，辣度我覺得適中，就算唔太食得辣嘅朋友都可以接受到，整體就是超級地香！雞嘅各個部位都有，雞肉嫰滑又好入味，最正係加入咗油炸鬼，索盡食雞煲醬嘅精華，最後加入埋生菜，正呀！ =藍妹啤酒 $32=食雞煲當然唔少得啤酒，絕配！一日嘅辛勞忘記晒！ =乾炒豬扒出前一丁 $60=由於點餐嘅時候我哋硬係會覺得一個雞煲唔夠食，所以叫多咗一碟乾炒豬扒公仔面。豬扒完全唔韌好易咬口，公仔麵炒得好有鑊氣，但又唔會太鹹係高質嘅炒公仔麵。 整
=招牌雞煲配生菜+油炸鬼 $198=
我哋二話不說就叫咗個招牌雞煲。店員好快就將雞煲送上來。你係完全唔會諗到屋邨茶餐廳竟然如此細心，餐廳只係將雞煮到七成熟，店員提示我哋每2分鐘煮一煮佢。由第4分鐘開始聞到好香嘅雞煲味，再煮多數次，再加入餐廳送上的油炸鬼，食得！整個雞煲好足料，落咗超級多配料，辣度我覺得適中，就算唔太食得辣嘅朋友都可以接受到，整體就是超級地香！雞嘅各個部位都有，雞肉嫰滑又好入味，最正係加入咗油炸鬼，索盡食雞煲醬嘅精華，最後加入埋生菜，正呀！
=藍妹啤酒 $32=
食雞煲當然唔少得啤酒，絕配！一日嘅辛勞忘記晒！
=乾炒豬扒出前一丁 $60=
由於點餐嘅時候我哋硬係會覺得一個雞煲唔夠食，所以叫多咗一碟乾炒豬扒公仔面。豬扒完全唔韌好易咬口，公仔麵炒得好有鑊氣，但又唔會太鹹係高質嘅炒公仔麵。
整體感覺係顛覆了我對舊式屋邨茶記嘅睇法，原來真的有臥虎藏龍的高手在民間，如果我屋企樓下有呢個質素嘅茶餐廳就好了。吃過晚飯後行落去地鐵站都只是大概十分鐘，沿路都是天橋也算很方便哦，下次再黎黃大仙值得再上黎食！
張貼
