影片
更多
2020-01-09
39 瀏覽
聞名已久的海底撈。今次終於的起心肝去試吓。依家呢個年代講求UX(User Experience)。 用家體驗。而海底撈喺呢方面簡直就係淋漓盡致。一行到門口已經開始有五星級服務。等位時侯已經遞水同小食俾你。入到去，咁啱見到佢哋個送餐機械人跪低咗，要人手送餐。不過都係小事，畢竟呢度係食人性化服務！由於我哋好夜先去。有大卡位坐。多左出嚟嘅空位，職員就用特大毛公仔攝位，感覺上冇咁空虛，不過好搞笑呢檔嘢，樣樣都計錢（湯底，自助醬料）。淨係個湯底已經過百。如果想平啲，可以叫四格鍋（兩格自選+兩格清水）。打開點餐iPad, 見到食物材料冇乜特別，都係嗰啲嘢。但價錢卻係出面嘅兩～三倍。我就先點咗最貴嘅和牛試吓。好多雪花，不過太淋，浸落麻辣湯底嘥晒。下次都係叫返最平嘅精品肥牛好啲，平一倍價錢！跟住啲火鍋料唔講咁多，一般料，冇乜特別。都係果句，海底撈嘅主菜係服務。啲嘢食就中規中矩啦。服務員態度好到不得了，經常會幫你執拾枱面啲嘢，換碟，遞熱毛巾俾你，幫你斟酒。仲有其他貼心服務，不能盡錄。總言之佢哋嘅服務宗旨就係顧客至上。今時今日香港，除酒店以外，喺邊到搵到呢種service？最後每人500幾埋單。近乎自助餐
依家呢個年代講求UX(User Experience)。 用家體驗。而海底撈喺呢方面簡直就係淋漓盡致。
一行到門口已經開始有五星級服務。等位時侯已經遞水同小食俾你。
入到去，咁啱見到佢哋個送餐機械人跪低咗，要人手送餐。不過都係小事，畢竟呢度係食人性化服務！
由於我哋好夜先去。有大卡位坐。多左出嚟嘅空位，職員就用特大毛公仔攝位，感覺上冇咁空虛，不過好搞笑
呢檔嘢，樣樣都計錢（湯底，自助醬料）。淨係個湯底已經過百。如果想平啲，可以叫四格鍋（兩格自選+兩格清水）。
打開點餐iPad, 見到食物材料冇乜特別，都係嗰啲嘢。但價錢卻係出面嘅兩～三倍。
我就先點咗最貴嘅和牛試吓。好多雪花，不過太淋，浸落麻辣湯底嘥晒。下次都係叫返最平嘅精品肥牛好啲，平一倍價錢！
跟住啲火鍋料唔講咁多，一般料，冇乜特別。
都係果句，海底撈嘅主菜係服務。啲嘢食就中規中矩啦。
服務員態度好到不得了，經常會幫你執拾枱面啲嘢，換碟，遞熱毛巾俾你，幫你斟酒。仲有其他貼心服務，不能盡錄。
總言之佢哋嘅服務宗旨就係顧客至上。今時今日香港，除酒店以外，喺邊到搵到呢種service？
最後每人500幾埋單。近乎自助餐價錢。值唔值就見人見智
張貼