樂湯雞麵館 (登龍街) (已結業)

20/01入去食晚餐，同之前其中一個留言感覺一樣，入到去第一個感覺係一個字，臭。陣臭味係應該來自啲抹地水，有強烈霉味，留言所言非虛。叫咗個龍王刀削麵，大概10分鐘送到枱上面。熱度非常之夠。個人認為個湯係個靈魂，所以急不及待即刻去試吓個湯底。一試之後，覺得雞湯唔夠厚，唔夠濃，刀削麵質OK，但唔掛湯，有肉味，但係唔夠雞味。雞本身質感OK，但亦都係冇雞味，總結一句下次不會再來。唯一嘉許係店員態度親切，奉勸佢吔處理抹地水嗰個問題。