板神鉄板燒日本料理 (The Hennessy) (已結業)

自從上次同男友慶祝生日食板神omakase ，一直念念不忘。大假完之際，要同好友食餐好嘅先得！今日食嘅係午市商務鐵板燒套餐（2位)。食物好豐富：前菜三碟需要按次序去食用，首先係螢光魷魚好味道啊！然後係水雲，類似水草，上面放咗淮山（山藥）同柚子調味，酸酸地好開胃；最後係高糖番茄，好香甜😍跟住就係蟹肉沙律🥗加刺身三款，有間八魚、深海池魚、赤身，用料新鮮，自然味美呢個他他賣相吸引，配了自家製嘅脆烤餅牛油果，蟹肉鮮美，加埋高糖蕃茄同晶瑩剔透嘅三文魚子，每一啖都係享受！配上脆烤餅食，口感更豐富，美味！北海道帶子，大大粒，上面鋪左三文魚子，擺盤精緻。帶子煎至兩面金黃，味道清新甘甜，非常新鮮☺️跟住就係龍蝦🦞澳洲大龍蝦勝大大隻，啖啖肉，鮮味十足，幾彈牙，滿滿的幸福感。最正係佢個麵豉湯係會用返啲龍蝦殼嚟整，非常鮮甜！至於牛就係美國牛，分左薄切同厚切薄切層次就多，鮮嫩可口厚切肉質厚實，一啖一粒，肉汁鎖左係裏面，正！仲有不得不提嘅鵝肝，超級肥美，救命！好邪惡，夾麵包食，油香四溢😍介紹返啲醬汁，店員同廚師都有提醒我哋可以先品嚐食物嘅原味，再點醬汁有另一款食法檸檬汁提鮮，牛肉汁令食材更濃郁，而海鮮汁帶微辣，同樣