High Street Grill

營業中

休息中

第一次寫食評就俾左依間餐廳👎🏻星期四晚唔算忙碌嘅夜晚，只有半間餐廳有客人，個floor得3個staff，香港男士（貌似經理）做嘢快手快腳，感覺忙到一頭煙，另外兩個女職員施施然闊佬懶理，等左10分鐘終於有個女外藉職員過嚟幫我落單，但take order所有嘢都要我講兩次先落到。算，我當係我英文唔好你聽唔清楚。落完單我同女朋友就傾下計等嘢食嚟，傾吓計，出去食下煙，等到咁上下開始覺得唔對路，坐咗咁耐連杯drink都仲未比到我哋，就搵個貌似經理果個男職員問究竟咩事，之後佢睇返原來嗰個同事冇落到單，佢問返嗰個同事嗰個同事仲話無同我地take過order！？其實漏左單唔緊要，雖然浪費左大半個鐘，我當自己唔好彩，但係做錯事唔承認真係極度唔要得。值得一讚嘅係嗰位男職員非常有禮貌咁道歉，亦都即刻話請返我哋飲杯野（不過我地就真係唔想再等無要到就起身走左），但係成件事真係非常匪夷所思，我相信我亦都唔會再去佢哋餐廳。