甜品革命 (已結業)

非常鍾意食甜品嘅我,見到報章介紹呢間甜品革命,又話係酒店廚師出嚟自己開甜品舖,於是專登約埋朋友去試吓.兩個人叫左Tiramisu麵包布甸+勁多芒果楊枝金露...先講左個Tiramisu麵包布甸...如果10分係最難食的話...我會比佢9.9分個布甸嚟左無幾耐就已經溶到山泥傾瀉咁, 個樣相當唔掂, 於是問吓個waiter乜呢個布甸咁嘅樣??? 見到都反胃..... 佢話呢個要快啲食,好快溶, 問我哋係咪擺左好耐. 吓?佢嚟左一陣咋, 個雪糕都未開始溶, 舊布甸已經溶得咁核突!!!! 個waiter只係識講, 係咁架...佢係溶得好快...唉! 算喇, 我知再問佢都無用, 慳返啖氣~~再講吓個勁多芒果楊枝金露...1. 勁多芒果???? 請問啲芒果去哂邊???2. 量少...3. 味道雖則唔難食, 但完全無驚喜...4. 完全唔凍囉....呢兩個甜品要$61埋單,我同朋友都異口同聲話一啲都唔值, 仲懷疑邊間酒店嘅廚師會做得咁差!!! 咁難食!!! 總之, 我哋都唔會再幫襯