尚泰太 (已結業)

元朗泰國菜今日同朋友一齊嚟到呢間泰國菜館食飯，佢好好有露天座位同埋室內座位，可以帶狗仔過嚟，室外座位雅致得來又有風扇，唔會太熱💓我哋因為係下午時間嚟到，所以就諗住叫午餐，夜晚個餐牌發現性價比非常之高我叫咗一個青咖喱飯，加埋嘢飲，都係$58 ，當然特飲就要另加幾蚊啦，但係$58食到一個午餐真係非常之超值！講完性價比就講吓食物☺️青咖喱非常有泰國風味，佢唔會太水或者太杰，濃度係啱啱好，仲有咖喱味出眾，絲瓜好爽口，成個咖喱飯我都好惹味，令人好開胃。另外叫咗個冬陰功河粉，呢個冬陰功湯好濃郁，有大概五六隻蝦/菇/蕃茄仔/芫荽～非常有驚喜，因為佢個湯唔係味精嘅味，而係真係唔中出嚟嘅冬陰功湯，啲湯唔會好口渴。最後叫咗個炒椰菜，其實我好想食呢啲咁有特色嘅椰菜，仲要細細條咁，個汁都幾好食😋最後叫咗兩杯嘢飲，一杯就係士多啤梨沙冰，大大杯咁高，都係$36 ，我個人其實唔鍾意飲啲太甜嘅嘢，所以我覺得佢嘅甜度係啱啱好同埋係natural, 仲有叫咗杯椰汁涼粉，椰奶味重👍🏻👍🏻👍🏻總結係，我得呢間餐廳價錢非常親民之餘得來嘢食又有保證，我會再返去！