探客 (已結業)

偶然經過好景，發現一間未飲過的台式飲品舖，超愛珍珠奶茶的我，決心一試。望一望menu，發現基本上奶茶類只得一款，就是琥珀珍珠奶茶。都好，不用睇到眼花撩亂又揀餐死。舖位不大，店內裝潢幾特別。等候期間，見到好多人嗌水果茶，不過原來呢間不是主打奶茶而係養生美容的桃膠，下次有機會先試🤣今次嗌左琥珀珍珠奶茶，走糖少冰。因為甜度要改，都預左要等一陣先有。佢既杯係好似咖啡店既杯🤣 琥珀珍珠係金黃色既珍珠並不是平時的黑珍珠。成杯份量不算大，但珍珠份量都多。珍珠咬落十分煙靭，好有咬口！我超級鐘意佢既奶茶，茶味同奶味都好夠，真係好好飲！而且呢間舖頭好有良心，我嗌左少冰，成杯真係得幾粒冰，證明奶茶份量係佔好多架！下次有機會一於要試下桃膠飲品！