伙食工業 (已結業)

朋友話帶我去試一間好多人話好好食嘅平民食店，我梗係話好啦！不過地點喺火炭就唔算方便啦！好啦，我滿懷期望咁黎到，噢……裝修都幾簡約……因為出面有live band都坐滿哂，我地就入去房仔啦！老老實實……太昏暗啦，我入到去好不安，而且加埋啲舊傢俬「up」味，好似會有老鼠喺我腳邊跑過咁樣，驚驚。order要自己行出去冇人埋黎serve你的，睇menu係好大眾化嘅價位，叫左一1杯咸檸7，1杯荔枝soda，umm...飲品係okay的。再黎個魯肉飯。。嘩，賣相已經唔得，啲肉瘦到呢……個汁又冇味，唔掂啊！黑松露薯條係全晚最好食㗎啦！薯條炸到外脆內軟，加埋黑松露醬，呢個應該好難整得唔好食啦係咪?鹽酥雞炸到好乾，冇乜鹽酥味，仲好似冇雞皮咁喎，點得㗎，冇雞皮邊到好食㗎，我覺得豪大大雞排好食啲喎 （爆）炒A菜係全晚第2好食嘅，都係果句啦，炒菜除非過左火先會難食嘅，我就2嫌佢太多油，其餘嘅都ok。食到呢到我已經好失望吓，朋友仲叫多個炒大腸。。。妖，想爆粗囉，有陣「壓」味嘅，點食啊（嬲）。總括黎講除左價錢大眾化外，我唔知仲有咩好講嚕。