早安越南 (已結業)

之前約咗朋友喺紅館有聽歌活動， 去之前咁我哋兩個就喺紅磡到想搵啲嘢食食下咁見到有間越南嘢叫早安越南咁我哋兩個就貪得意去試下。我哋叫咗鮮茄海鮮湯檬，越式炒金邊粉，飲品方面我哋嗌咗椰汁綠豆冰及龍眼冰 。小食就有越式軟殼蟹米紙卷。鮮茄海鮮湯檬:個蕃茄湯我覺得真係新鮮嘅， 我自己都幾like ，蕃茄汤幾鮮甜。 唔可以唔提佢個粉，粉非常之幼細，我自己試過其他店舖都是冇呢啲咁幼細且滑嘅粉，十分抵讚!越式炒金邊粉: 個粉都炒得幾好，因為佢唔算係太油，同埋乾身，我最鍾意就係啲蝦，蝦食落都幾爽 ，同埋我覺得佢加咗啲蛋，我感覺非常好! 因為我自己好鍾意食蛋再加埋個蝦，好似食蝦仁炒蛋， 當然如果啲蛋再加多啲，我就更加鍾意 ，我覺得整體感覺良好。.越式軟殼蟹米紙卷:係你啦, 我最愛食嘅軟殼蟹🦀，軟殼蟹炸得幾脆, 算係炸得幾好同香脆， 個米紙卷記住點少少汁食令到口感同風味一流，呢個我覺得一定要試。整體嚟講如果有朋友行開紅磡， 可以試下早安越南，因為我自己覺得， 個水準同埋食物都啱返我哋香港人嘅口味純粹個人意見。😊