樂麵

營業中

休息中

今晚媽咪休息唔煮飯，全家一齊出去食！我就推介屋企人去呢間葵芳拉麵店「樂麵」！之前同朋友食過一次，都覺得幾唔錯😆我同媽咪就分別叫咗一個<鰹魚雞白湯拉麵>同<花雕醉雞湯拉麵>！兩個湯底都好濃郁，如果唔鍾意就香味就可以建議叫鰹魚雞白湯，如果想有少少酒香味就可以叫花雕醉雞！肉類方面，無論係雞肉、豚肉同埋鴨肉都非常之入味！幾高質素嘅拉麵選擇！而爸爸麻麻哋食拉麵就叫咗呢個<日本雞油豚角炒飯>，炒飯金黃色，炒到乾身，好香雞油味，仲有啲豚肉，整體嚟講唔錯！我哋仲叫咗一個小食麻香胡椒豚肚絲，呢個胡椒豚肚絲煙煙韌韌，好香麻油味同埋有少少辣辣地，全家都好鍾意！