影片
更多
2017-02-20
180 瀏覽
又到一年一度既 restaurant week, 我地兩口子又出動去周圍試野啦。第一間試到呢個西班牙餐廳，真心驚喜。$298/ person 另加 service charge, 性價比非常高。-----------------------------首先頭盤我地揀左fresh oyster with Ajo Blanco( Spanish Almond Cold Soup) 同Fois Gras with 5 spice bread.呢個蠔湯真心又鮮又好味，魚子醬同蠔既腥味襯得岩岩好（前提係你好喜歡食呢種味），再加埋個凍湯（其實係汁），真係襯得岩岩好。呢個鵝肝醬食法非常Authentic, 上面係鵝肝醬下面係“薑餅”（蛋糕），係歐洲呢個組合好平常，係香港咁食到，至少唔似係香港餐廳扮外國既貨仔。美中不足係，鵝肝比例太少，畀薑餅搶左味。------------------------------Main Course 其實我爆想食西班牙海鮮飯，但無奈我男友唔食海鮮，餐廳又要出兩個人 serving, 所以無計啦，唯有嗌 Suckling pig in "our way " with ap
我地兩口子又出動去周圍試野啦。
第一間試到呢個西班牙餐廳，真心驚喜。
$298/ person 另加 service charge, 性價比非常高。
-----------------------------
首先頭盤我地揀左fresh oyster with Ajo Blanco( Spanish Almond Cold Soup) 同Fois Gras with 5 spice bread.
呢個蠔湯真心又鮮又好味，魚子醬同蠔既腥味襯得岩岩好（前提係你好喜歡食呢種味），再加埋個凍湯（其實係汁），真係襯得岩岩好。
呢個鵝肝醬食法非常Authentic, 上面係鵝肝醬下面係“薑餅”（蛋糕），係歐洲呢個組合好平常，係香港咁食到，至少唔似係香港餐廳扮外國既貨仔。美中不足係，鵝肝比例太少，畀薑餅搶左味。
------------------------------
Main Course 其實我爆想食西班牙海鮮飯，但無奈我男友唔食海鮮，餐廳又要出兩個人 serving, 所以無計啦，唯有嗌 Suckling pig in "our way " with apple compote and gravy sauce & Char- grilled Spanish Quails.
點知，超驚喜，超好食！
呢個庵春，香草味，炭燒味好香，煮得好嫩滑，庵春油味好香！不過如果你好怕生野要主熟，其實佢都煮得幾粉紅，簡稱唔係全熟，我就肯為美食搏一舖既，保守人可以避免。
燒豬，脆，香，蘋果汁甜，好好味好襯！肉汁就香，唔太鹹。總之兩個字，好味！------------------------------
好啦，到甜品，Chrros 同 creamy caramel pudding. 只能說，呢個世界冇無敵既餐廳，呢兩個甜品，唔差，但冇特別出色就真。
Churros, 外面太脆，入面太濕太散。好視乎你有冇食過Churros，如果你係外國食開，你唔會滿足；如果你冇食過，呢個係一個幾有趣既甜品，可以一試。
呢個 creamy caramel pudding, 襯芒果雪糕，其實坦白講，正常到我冇特別記得佢咩味。OK 啦，不過不失。中上。最後講 service, 係非常好， waiter 好 nice, 好熱情。環境，有特色。
整體我會比呢間餐廳85分😊
張貼
