The Grill Room (The L. Square) (已搬遷) 新店位置

本來諗住去返hysan dinner，但突然落雨，即刻黎左L. Square。免得中伏即刻search下openrice邊間多笑笑，最後揀左The Grill Room，仲好好彩即刻有位。因為今日係星期一，幫襯兩個set可減100蚊非常抵。最後揀左低温慢煮香草乳酪三文魚同燒牛柳大蝦配薯泥燒菜。我同男人都揀左南瓜湯，非常好飲。黎左個慢煮三文魚，好食到停唔到，可能第１次食覺得好特別，三文魚入口即溶。外面脆脆地幾香口，入面界乎熟與未熟之間，好嫩滑。(太好味冇影到相)燒牛柳同大蝦係好食既，最特別係配埋個薯泥燒菜，唔會令你食牛食到膩。最後黎個甜品，我揀左個奶凍配伯爵茶，超級好食（如果自己識整就好）。味道好清新唔算太甜，甜度剛好，令你食完頭先Ｄ肉之後，而家好似清一清個口同胃咁即時冇咁滯。