影片
更多
2023-04-24
2252 瀏覽
每年馬季都會得閒就入去沙田馬場睇下跑馬仔🐎可以一邊睇成個下晝嘅賽馬一邊食吓嘢有錢贏下就當然更加正啦贏番個好運攞番個彩丫嘛🤩都試過沙田馬場入面唔少餐廳個人覺得百勝廳嘅中菜水準係當中最穩定嘅尤其係煲類嘅嘢食/有鑊氣熱辣辣二人套餐包有燒味/有湯/有兩款主食/仲有嘢飲✨燒味雙拼揀咗#乳豬 同 #燻蹄 /乳豬皮上到枱都仲係好脆主角其實係墊底嗰啲黃豆😂/個個都爭住食✨老火湯老黃瓜眉豆湯/呢個時節祛濕啱晒/飲完揀馬都醒神啲好飲到相都唔記得影✨主菜 - #菠蘿咕嚕肉 / #黑椒牛仔骨 簡單嘅菜式先容易特顯餐廳嘅實力呢次揀咗菠蘿咕嚕肉同黑椒牛仔骨咕嚕肉肥瘦適中/粉薄同香酥/睇相都睇得出掛汁/非常之開胃牛仔骨啖啖肉/冇好似外面用鬆肉粉嗱到唔知食緊乜/仲有勁多洋蔥添每次嚟都食得滿足如果想睇下賽馬又食下好嘢不妨嚟試試不過要早啲book檯呀尤其係大賽日子
可以一邊睇成個下晝嘅賽馬一邊食吓嘢
有錢贏下就當然更加正啦
贏番個好運攞番個彩丫嘛🤩
都試過沙田馬場入面唔少餐廳
個人覺得百勝廳嘅中菜水準係當中最穩定嘅
尤其係煲類嘅嘢食/有鑊氣熱辣辣
二人套餐包有燒味/有湯/有兩款主食/仲有嘢飲
✨燒味雙拼
揀咗#乳豬 同 #燻蹄 /乳豬皮上到枱都仲係好脆
主角其實係墊底嗰啲黃豆😂/個個都爭住食
✨老火湯
老黃瓜眉豆湯/呢個時節祛濕啱晒/飲完揀馬都醒神啲
好飲到相都唔記得影
✨主菜 - #菠蘿咕嚕肉 / #黑椒牛仔骨
簡單嘅菜式先容易特顯餐廳嘅實力
呢次揀咗菠蘿咕嚕肉同黑椒牛仔骨
咕嚕肉肥瘦適中/粉薄同香酥/睇相都睇得出掛汁/非常之開胃
牛仔骨啖啖肉/冇好似外面用鬆肉粉嗱到唔知食緊乜/仲有勁多洋蔥添
每次嚟都食得滿足
如果想睇下賽馬又食下好嘢不妨嚟試試
不過要早啲book檯呀尤其係大賽日子
張貼
