Yaki Biru (已結業)

今日行過見門面ok,所以入去試一下。食左5串串燒，鰻魚飯（係釘熱，唔係燒熱，飯太硬），叉燒烏冬（圖有半隻蛋，上枱變左粟米一片），兩柸啤酒，清酒煮蜆（ok)。加一後$450。食品只可用非常普通來形容。我覺得去一風堂仲好。埋單先知要加一（餐牌唔覺有寫），又話咭機壞左，算數，俾現金。見有幾款啤酒（芒果味，桃味，同另一款唔記得）問待應邊隻推薦，回答佢未試過，當堂O左咀。走時發覺全店都係廿歲頭的90後（包括待應同廚），無怪呼對答普通，廚藝普通。