影片
更多
2019-01-13
1633 瀏覽
今晚肥妹仔去咗太古城嘅一間出名食意大利菜嘅意大利餐廳食飯，入到去雖然係平日，但係都見到差唔多坐滿曬人，由此可見佢嘅食物質素真係有一定嘅保證㗎。Gusti Pizza $190Pizza方面我哋叫咗一半香辣海鮮口味，一半巴拿馬火腿口味。佢嘅pizza薄餅底非常薄，一啲都唔厚，焗得非常香脆。香辣海鮮口味嘅話，食落去有少少微辣，配料好豐富，有海蝦，魷魚，魚柳等等，上面重鋪滿曬芝士，真係每一口pizza都好滿足。而佢嘅巴拿馬火腿亦都唔會過鹹，配埋火箭菜一齊食，超級夾。Duck Ragout $190呢一個意大利粉肥妹仔係第一次食，佢嘅醬汁好特別，係用咗鵝肝醬黎做。而佢嘅意大利粉亦都唔係我哋平時一般食開一條條嗰隻，而係一塊塊，食落去充滿蛋香，食得出係手公製，呢個意粉肥妹仔畀讚。Seafood risotto $260呢一個海鮮意大利飯份量好多，配料呢就有帶子，蜆，魷魚等等，醬汁係蕃茄醬，但係因為有好多海鮮，所以食落去都好鮮味，唔會單調。但係佢個意大利飯身比較偏硬，如果鍾意食口感比較硬嘅朋友可以一試。Whole seabass $390呢一個焗海盧唔係平時肥妹仔食開用海鹽去焗，而係有一個醬汁
今晚肥妹仔去咗太古城嘅一間出名食意大利菜嘅意大利餐廳食飯，入到去雖然係平日，但係都見到差唔多坐滿曬人，由此可見佢嘅食物質素真係有一定嘅保證㗎。
Gusti Pizza $190
Pizza方面我哋叫咗一半香辣海鮮口味，一半巴拿馬火腿口味。佢嘅pizza薄餅底非常薄，一啲都唔厚，焗得非常香脆。香辣海鮮口味嘅話，食落去有少少微辣，配料好豐富，有海蝦，魷魚，魚柳等等，上面重鋪滿曬芝士，真係每一口pizza都好滿足。而佢嘅巴拿馬火腿亦都唔會過鹹，配埋火箭菜一齊食，超級夾。
Duck Ragout $190
呢一個意大利粉肥妹仔係第一次食，佢嘅醬汁好特別，係用咗鵝肝醬黎做。而佢嘅意大利粉亦都唔係我哋平時一般食開一條條嗰隻，而係一塊塊，食落去充滿蛋香，食得出係手公製，呢個意粉肥妹仔畀讚。
Seafood risotto $260
呢一個海鮮意大利飯份量好多，配料呢就有帶子，蜆，魷魚等等，醬汁係蕃茄醬，但係因為有好多海鮮，所以食落去都好鮮味，唔會單調。但係佢個意大利飯身比較偏硬，如果鍾意食口感比較硬嘅朋友可以一試。
Whole seabass $390
呢一個焗海盧唔係平時肥妹仔食開用海鹽去焗，而係有一個醬汁拎去焗。而佢嘅醬汁入面仲有好多橄欖，新鮮嘅蜆等等，仲有小番茄，可能有醬汁嘅關係，所以佢嘅海盧肉質係非常嫩滑，呢一個海鮮肥媽食到讚不絕口。
M5 Wagyu Sirloin $340
呢一個m5和牛係肥妹仔特登叫畀肥爸食嘅。肥爸嘅食後感係覺得呢一塊和牛咬落去好多汁，牛味濃，唔會好柴，而且廚師嘅處理手法幾好，火喉掌握得剛剛好，唔會過生，亦都唔會過熟。
Fritto misto $190
呢一個炸海鮮拼盤有炸魷魚，炸海蝦同炸魚仔，食落去香脆可口，作為餐前小食一流。
張貼
