SHAKE SHACK (國際金融中心商場)

營業中

休息中

叫咗一個最普通嘅Shack burger.細細個，一個拳頭大少少。入面嘅配料生菜蕃茄都新鮮。麵包好鬆軟，甜甜地，好好味。佢哋嘅漢堡扒比較薄，但係咁薄嘅漢堡扒都非常之多汁。每一啖都充滿牛肉汁。停唔到口。食一個都唔夠過癮。平日夜晚去，冇咩人。唔使排隊。大把位。仲可以坐出面，如果唔怕熱嘅話。見到佢有得飲酒添。不過冇試過，唔知道佢啲酒如何。佢哋好多枱都係高抬高凳。矮人可能坐得比較辛苦。可能咁樣可以返枱快啲，因為啲人坐得冇咁舒服。