海安咖啡室 (已結業)

上環一帶真係零捨多好西，海安都係其中一間，呢到既蔥牛炒蛋厚多士，係我既心頭好，幾乎次次黎親呢到，只要夾岩到時間，我都會食佢。但遇著時間對唔岩，未有得食，就會食吓呢個蔥油辣撈福麵雞翼同蛋都滷得入味，普普通通，但最叫我食指大動既其實係呢碟墊底既福麵，講真以公仔麵黎講，福麵個味其實真係無得輸，如果公仔麵分一丁派同福麵派，毫無疑問我會係後者既支持者。而海安呢個蔥油辣撈福麵，又係整得幾惹味既，辣辣地，都幾吸引。配埋杯熱華田，簡簡單單，又一餐。