元帥麵館

營業中

休息中

今日同朋友上完堂就喺附近搵咗呢間元帥麵館醫肚，我哋叫咗個涼拌青瓜，之後一個係元帥爽滑牛肉加炸醬，一個係元帥酸菜炸醬湯麵加滷豬手，另一個就叫咗元帥牛展湯麵加豬紅，自己今次要咗個酸菜炸醬湯麵家加豬手，個炸醬都比較特別，肉碎唔會好似出面嗰啲軟淋淋，都比較有口感，都比較乾身，唔會太多醬汁，唔似台灣嘅肉醬咁樣，呢個係一個半乾身嘅肉醬，鹵水豬手都好入味，炆得淋，但係又唔會完全冇咬口，食落去好似食緊啲比較硬身嘅啫哩咁樣，豐富爽脆嘅膠原蛋白，滷味做得唔差，青瓜清新微辣，幾開胃。今晚嘅一餐又解決了。