牛一 (元朗廣場) (已結業)

牛一終於係元朗都出現啦，之前同事已介紹過，今日咁啱黎元朗打完羽毛波，就要進補返啦！假日黎真係要早D黎排隊，7點到滿滿都是人，少則等30mins，耐就1hr，咁就知道有幾好食。我地4個人就等左45mins就有枱。時尚的裝修令到內裡環境感覺寬敞。90mins放題，我地揀左極上美國牛肉、豚肉$178，揀完湯底後可自己用枱下ipad追加肉類，十分hi-tech。蔬菜、丸和麵類可在入口處的大枱自取，選擇非常豐富，除左有基本多瓜菜，仲有紫薯和羽衣金藍，與時並進！另一邊廂，仲有咖哩飯和和牛炒飯。另有特色的墨汁豚肉丸和醬爆麻辣丸，在其他火煱店都未見過。醬汁都可以好革新，有日式胡麻醬、柚子醋和黑蒜醬油，可加辣椒蘿蔔蓉和日本大葱碎。配料、汽水、雪糕無限食，格局有D似酒店buffet。湯底有多種選擇，並非一般見到的，是有日本味道的三文魚豆乳湯、昆布漬湯、淡十勝芝士豚骨湯，我地試左干貝清湯，真係有濃濃的干貝味。極上美國牛肉色澤鮮紅、雪花分佈均勻，肉質不錯。平時都試開胡麻醬，今日可試試醮黑蒜醬油，帶黎新的味覺體驗，黑蒜的香為牛肉帶來不同的美味。粉紅色的極上豚肉可清楚見到豚肉的肌理，6一6就食得，肉質也十分嫩滑。