Isaac Toast (新城市廣場三期) (已結業)

早前透過網上知道，韓國人氣Issac 吐司係沙田開左，因為多年前係韓國食過一直都想再吃，今次特別前來吃。因為新城市廣場第三期都係新開好多舖都圍緊板，用左少少時間先揾得到，不過記住A311舖就好易揾到，同埋商場都有好多指示一去到就見到排緊長龍就知道到了。 大家未諗定食咩吐司，可以入去拎份menu 出黎排住慢慢揀，我大概等左20分鐘就入去點得餐，再等多20分鐘就食得啦為左好味既吐司係值得等架我今次就叫左香脆薯餅吐司，入面有芝士亦都有蜜糖芥末醬，我仲特別要求多醬添。一咬落去汁就佈滿哂個口，蜜糖都滲入哂個包，而薯餅真係好脆又大塊，真係好好味，亦都有多層次既口感，價錢亦都正常。不過下次想來試試較貴的64蚊吐司，想看看有甚麼特別。