影片
更多
2016-05-30
1774 瀏覽
七點半，佐敦所有食肆都人山人海，我一家三口肚仔打鼓，急忙致電友人求救。朋友說出佐敦有間由韓國人經營日本的餐館，地方都幾隱蔽，相信有位；但另一方面，心諗韓國人開日本的餐館，咪開玩笑，點解唔開韓燒？？我就抱隹尋幽探秘的心情，即管去試一試。話雖地方隱蔽，但都好易找到，就係恒豐後面德興街與德成街交界。舖位細細，店內迫滿了人...咁我相信朋友無介紹錯！立即有位態度親切有禮的職員，示意有客人結帳，叫我們稍等一會，不消十分鐘就可入坐。 店內坐位約三十人，感覺似居酒屋，好熱鬧。在餐具和佈置上，老闆好講究及有心思用上和式風格的擺設。都唔理得咁多住，即時落單先......1) 烤鱈魚條 ~ 佐酒小食一流2) 芒果沙律 ~ 醒胃又清爽3) 三文魚刺身 ~ 指定動作4) 黃金燒大蝦 ~ 大蝦配上沙律醬來燒，必推 ㊣㊣㊣㊣㊣ 5) 池魚刺身 ~ 夏日首選，老闆每天返貨的原條池魚做成刺身，與薑蓉同吃，魚香味更突出，兼減腥味。6) 加拿大海膽 ~ 色澤鮮艷，瓣塊大小平均；配上薄脆的紫菜食，減少罪惡感7) 香蔥呑拿魚腩卷 ~ 其實食到依個已頂頂地，但先前落咗單，唯有照上；估唔到香蔥配呑拿魚腩，可帶出鮮味及感覺無咁油膩
話雖地方隱蔽，但都好易找到，就係恒豐後面德興街與德成街交界。舖位細細，店內迫滿了人...咁我相信朋友無介紹錯！立即有位態度親切有禮的職員，示意有客人結帳，叫我們稍等一會，不消十分鐘就可入坐。 店內坐位約三十人，感覺似居酒屋，好熱鬧。在餐具和佈置上，老闆好講究及有心思用上和式風格的擺設。都唔理得咁多住，即時落單先......
1) 烤鱈魚條 ~ 佐酒小食一流
2) 芒果沙律 ~ 醒胃又清爽
3) 三文魚刺身 ~ 指定動作
4) 黃金燒大蝦 ~ 大蝦配上沙律醬來燒，必推 ㊣㊣㊣㊣㊣
5) 池魚刺身 ~ 夏日首選，老闆每天返貨的原條池魚做成刺身，與薑蓉同吃，魚香味更突出，兼減腥味。
6) 加拿大海膽 ~ 色澤鮮艷，瓣塊大小平均；配上薄脆的紫菜食，減少罪惡感
7) 香蔥呑拿魚腩卷 ~ 其實食到依個已頂頂地，但先前落咗單，唯有照上；估唔到香蔥配呑拿魚腩，可帶出鮮味及感覺無咁油膩
8) 串燒三兄弟 ~ 蕃薯、日本黑豚露筍卷和冬菇
9) 野菜鳥冬 ~ 一個七歲女食晒
10) 冰卷 ~ 飯後甜品，皮就相信用糯米粉，包住中間紅綠豆餡，食落去似冰皮月餅
總括而言，呢度食物係數好好，老闆都落手落腳態度認真，價格合理，必會再次光臨。
張貼
