JUICY Fresh Juice Bar (已結業)

呢間一直都好想試，因為佢d款式比較特別，例如有牛油果味，飲得多珍奶都覺得無咩特別，同埋呢間野用既料又唔化學，拎真生果出黎比你食，又係韓國過江龍，開係最值錢地段就知佢有幾多料到，值得一試。草莓拿鐵 ($46) 上層係奶油，中層係果汁蓉，下層係超重奶香味既牛奶，溝埋一齊好夾好fresh，唔會有化學士多啤梨味，飲得出落左好多靚料，下次會encore! 蜜桃乳酪 ($42 / XL) 呢個就顯得有d偏甜，桃味唔係個種日本桃，係似蛋糕上個種黃桃，蜜桃同乳酪既比例係一半一半，桃味乳酪都幾好飲。環境方面，好細心咁有企位，方便左平時帶住口罩唔想除低飲野，可以係度慢慢飲完先走，同時仲有叉電位，三種插頭齊哂，格離仲有d韓妹係度傾計，果然係韓國人氣品牌。