漢城美食 (已結業)

繼上年Christmas幫襯過瓊華個間Goobe, 好食, 但好貴. 之後都無咪咩再喺香港食韓國野因為總覺得大部分價錢偏貴~ 今日行過澳洲牛奶後面條街見到HanSung~ 泡菜辣豬肉烏冬好肚餓嘅我嗌左飽肚嘅烏冬, 黎到個陣確實覺得好似肉醬意粉😂, 食落原來li個配搭ok喎, 仲好醒胃呢, 每一條烏冬都痴左粒粒辣椒, 整體唔算好辣, 味道非常豐富! Sweet and Spicy Wings每張枱嘅牆上都有佢地招牌雞翼, 有3隻味揀, 一碟有4隻而且附送炸年糕, 年糕外脆內煙韌. 新鮮炸起嘅雞翼醃得好入味, 面頭個汁好韓式, 甜辣適中! 啖啖肉+脆卜卜嘅皮, 不愧為招牌菜每張枱都有凍水同杯仔, 好貼心！